Toca agora repasar os contidos de ciencias da natureza. Anfibios, mamíferos, aves, réptiles... Todas as características dos animais aprendidas ao longo do trimestre vannos servir para adiviñar o animal agochado na cabeza de cada un de nós. Traballamos tamén a expresión en lingua galega e a descrición.
Iniciámonos na xeometría coñecendo os nomes dalgúns polígonos, como por exemplo os hexágonos, pentágonos... Tamén aprendemos o que son os lados, os ángulos e as aristas destes. Ao principio vainos custar un pouquiño aprender estos nomes tan novos para nós, pero seguro que a través destas actividades o van a memorizar nun intre.
Aquí podedes ver como unindo varias figuras planas... Tachán! Xa temos unha casiña!!!
O pasado venres 11 de marzo os alumnos de 2º B recibimos unha invitación moi especial. Os alumnos de 6º B organizaron unha feira na que había de todo: repostería caseira deliciosa, palomitas, gominolas, batidos e incluso algúns xoguetiños. Os alumnos recibían a súa chegada unha carteira con euros simulados coa que podían mercar aquelas cousas que máis lle gustasen. Os rapaces disfrutaron moitísmo e queren que estas iniciativas se repitan polo menos unha vez ao mes!!!!!
Un dez para os alumnos de 6º pola magnífica organización da actividade!!!!
Como cada ano, dende o 1989, os centros educativos celebramos a semana da prensa. Poidemos coñecer e ollear distintos xornais. Os nosos pequenos xa coñecen as principais seccións: internacional, nacional, local, deportes, sociedade... Agora toca converterse en xornalistas e, como tal, comezar a escribir os seus primeiros titulares.
O pasado mércores 24 de febreiro celebrouse o Día de Rosalía, coincidindo co aniversario do nacemento da famosa escritora. O centro, outro ano máis, non quere deixar pasar a oportunidade de organizar distintas actividades para coñecer a súa vida e obra.
Nós preparamos un mural na clase moi ao estilo Andy Warhol. Os rapaces utilizaron a cor para decorar o retrato de Rosalía. Quedou así de chulo.
Ademáis coñecemos a poesía de "Adiós ríos, adiós fontes" da man de Amancio Prada.
Tamén preparamos a seguinte estrofa:
Téñovos, pois, que deixar, hortiña que tanto amei, fogueiriña do meu lar, arboriños que prantei, fontiña do cabañar.
O profesor Pablo fixo foi o encargado de gravarnos recitándoa e de facer o montaxe que podedes escoitar completo no blog da radio do García Barbón.
Xa rematou o entroido, este ano especialmente pasado por auga. Menos mal que o venres gozamos dunha mañá espectarcular, na que os nosos bañistas olímpicos incluso pasaron unha pouca de calor. A verdade é que estaban simpatiquísimos.
Esperamos que vos gustase a súa actuación, coa música de Mamá Cabra.
Este luns tivo lugar no centro o Taller de Igualdade. Elsa realizou unha actividade na nosa clase onde os alumnos poideron descubrir que todos podemos desempeñar calquera profesión, independientemente de si somos homes ou mulleres.
Fixemos tamén un visionado da historia de Valentina Tereskova, a primeira muller en subir ao espacio.
